Яагаад Jo Malone сүрчиг үнэрээ удаан барьдаггүй вэ?

Jo Malone сүрчигнүүд ихэнхдээ удаан үнэртдэггүй нь тэдгээр нь колонь эсвэл колонь интенсив хэлбэрээр хийгдсэнтэй холбоотой. Үнэрт хэт эмзэг, зөөлөн байгалын минималист орц найрлагатай учир эрүүл мэнд талаасаа огт сөрөг нөлөөгүй. Cologne болон Cologne Intense нь үнэрт тосны агууламж бага тул үнэр нь хурдан арилдаг. Үүнд дараах хэд хэдэн шалтгаан бий:

Үнэрт тосны бага агууламж: Жирийн Jo Malone колонь нь ердөө 4–10% үнэрт тосны агууламжтай байдаг. Энэ нь зөөлөн, хөнгөн үнэртэй боловч хурдан ууршиж арилдаг гэсэн үг юм.
Шинэхэн, байгалийн найрлага: Jo Malone сүрчигнүүд нь ихэвчлэн нимбэг, цэцгийн, ургамлын (лайм, базилик, нэрооли гэх мэт) найрлагатай байдаг. Эдгээр нь маш дэврүүн шинжтэй тул үнэрээ хурдан алдаж эхэлдэг.
Суурь үнэр багатай: Удаан үнэртэй сүрчигнүүд нь амбра, уд, муск зэрэг хүчтэй суурь үнэрт найрлагатай байдаг бол Jo Malone нь энгийн, агаартай бүтэцтэй байдаг. Энэ нь үнэр нь удаан тогтохгүй байх шалтгаан болдог.

Jo Malone сүрчигний үнэрийг удаан барих, хослуулах (layer хийх) хэд хэдэн зөвлөмжийг хүргэе:

1. Үнэртэй тос (Body Crème, Body Lotion) ашиглах

Jo Malone өөрийн сүрчигтэй ижил үнэртэй биеийн тос, лосьон гаргадаг. Та эхлээд биеийн тос түрхээд дээр нь ижил үнэртэй колонь цацвал үнэр илүү удаан тогтоно.
Жишээ нь:

Peony & Blush Suede Body Crème түрхээд
Peony & Blush Suede Cologne цацах

2. Хослуулан давхарлаж хэрэглэх (Fragrance Combining)

Jo Malone сүрчигүүдийг хооронд нь хослуулахад тохиромжтойгоор бүтээгдсэн. Үүнийг ашиглан өргөн хүрээтэй, өвөрмөц үнэр бий болгож, бас удаан тогтоц үүсгэж болно.
Жишээлбэл:

Wood Sage & Sea Salt дээр Lime Basil & Mandarin цацах(Шинэхэн, цэвэрхэн + амтлаг үнэр хослол)
Myrrh & Tonka (Cologne Intense) дээр English Pear & Freesia хослуулах(Сэтгэл татам, амтлаг үнэр + цэцгийн шинэхэн үнэр)

3. Хуурай, чийггүй арьснаас зайлсхийх

Сүрчигийг түрхэхээсээ өмнө арьсаа хөнгөн чийгтэй байлгах, эсвэл бага зэрэг тос түрхэх нь үнэрийг удаан тогтоход тусална.

4. Сайн байрлалд цацах

Хүзүүний ар, бугуй, тохойны дотор тал, чихний ар хэсэг зэрэг дулаан ялгаруулдаг цэгүүдэд цацах нь үнэрийг илүү тод, удаан барьдаг.

Нийтлэлүүд

Jo Malone London үнэр барилт

Нийтлэлүүд

Jo Malone London үнэр барилт